Абай облысында төрт күнде мас күйде көлік айдаған 11 адам ұсталды
Ақп. 22, 2025, 6 Т.Қ.
Абай облысында полицейлер төрт күнде мас күйде көлік айдаған 11 адамды ұстады.
Облыстық полиция департаментінің мәліметіне сүйенсек, «Қауіпсіз жол» жедел алдын алу шарасының төрт күнінде 1257 жол қозғалысы ережесін бұзу дерегі анықталды.
Оның ішінде 11 жүргізуші көлікті мас күйінде басқарғаны үшін ұсталды. 26 адам жүргізуші куәлігі жоқ болса да рөлге отырған. 182 жаяу жүргінші жолды рұқсат етілмеген жерден кесіп өткен. 5 адам жүргізуші куәлігінен айырылғанына қарамастан көлік басқарған.
— Сондай-ақ жол жөндеу жұмыстарын жүргізу талаптарын бұзудың 19 дерегі тіркелді. 6 жүргізуші қарама-қарсы қозғалыс жолағына шығып кеткен. Барлық құқық бұзушылар әкімшілік жауапкершілікке тартылды, — делінген ақпаратта.
Похожие новости