Илон Маск енді Украина үшін шығын шығарғысы келмейді
Масктың қайырымдылық шарасы осымен аяқталды.
SpaceX Пентагонға Украинадағы Starlink қызметтерін одан әрі төлеуден бас тартатыны туралы хабарлады.
Американдық миллиардер Илон Маск басқаратын SpaceX бұдан былай Украинадағы Starlink спутниктік байланыс жүйесіне техникалық қызмет көрсету үшін қаржы бөлмейді.
Сондай-ақ ол Пентагоннан шығындарды өтеуді сұраған.
Украинаға барлығы 20 мыңға жуық Starlink терминалы берілген. Жұма күні Маск барлық операциялар SpaceX-ке 80 миллион доллар шығын әкелгенін және бұл шығындар соңында 100 миллионнан асатынын мәлімдеді.
– Масктың қайырымдылық шарасы осымен аяқталды. Себебі SpaceX Пентагонға американдық әскерилер бұл мақсаттарға ай сайын ондаған миллион доллар бөлмесе, Украинада желіні пайдалануды компаниядан қаржыландыру тоқтатылатынын хабарлады, – делінген хабарламада.