Қасым-Жомарт Тоқаев Қытайға ресми сапармен барды
Қаз. 16, 2023, 9:18 Т.Қ.
Сапар барысында Президент ҚХР Төрағасы Си Цзиньпинмен, ҚХР Мемлекеттік кеңесінің Премьері Ли Цянмен және Бүкілқытайлық халық өкілдері жиналысы Тұрақты комитетінің төрағасы Чжао Лэцзимен келіссөздер жүргізеді.
Сондай-ақ жоғары деңгейдегі «Бір белдеу, бір жол» бастамасының III форумына қатысады.
Сонымен қатар Бейжің Тіл және мәдениет университетінің аумағында орнатылған Әбу Насыр Әл-Фараби бюстін салтанатты түрде ашады.
Бұдан бөлек, Қытайдың ірі компания басшыларымен бірқатар кездесу өткізеді.