Шет елге заңсыз кеткен ақшаны қайтаруды Тоқаевтың өзі қадағаламақ
Маусым 5, 2022, 5:10 Т.Қ.
Мемлекет Басшысы Қасым-Жомарт Тоқаевтың Жарлығымен мекемеаралық комиссия құрылды.
⠀
«Бұл комиссия Қазақстаннан шетелге заңсыз жылыстатылған қаржыны елге қайтару бойынша кешенді жұмыс жүргізетін болады», – деп хабарлайды Ақорданың баспасөз қызметі.
⠀
Аталған комиссияға Бас прокурор жетекшілік етіп, Мемлекет басшысы өзі бақылайды.
⠀
Еске сала кетейік, биыл 8 ақпанда Қазақстан Президенті Қасым-Жомарт Тоқаев шетелге заңсыз шығарылған қаржы мен заңсыз ақшаға сатып алынған активтерді қайтару мәселесін көтеріп, үкіметке екі ай ішінде ұсыныс беруді тапсырған болатын.