Талдықорғанда жауынгерлік ұшақты ұшуға дайындау кезінде бір әскери қызметші қаза тапты
Там. 15, 2023, 11:45 Т.Қ.
Бұл туралы Қорғаныс министрлігі хабарлады.
Талдықорған авиациялық базасында әскери ұшақты ұшуға дайындау кезінде оқ-дәрілер өздігінен қозғалып кеткен.
Салдарынан бір әскери қызметші көз жұмды. Екінші әскери қызметшіге барлық қажетті медициналық көмек көрсетілуде.
Тергеу іс-шаралары жүргізіліп жатыр.
«Қарулы күштердің қолбасшылығы мен жеке құрамы қаза тапқан әскери қызметшінің туыстары мен жақындарына қайғырып көңіл айтады», — делінген хабарламада.