Түркия жарылыстан кейінгі АҚШ-тың көңіл айтуын қабылдамады
Қар. 15, 2022, 2:44 Т.Ж.
Түркияның Ішкі істер министрі Сүлейман Сойлу тергеуге Ыстамбұлдағы лаңкестік әрекеттің қай жерден үйлестірілгені мәлім екенін, сондықтан елдегі АҚШ елшілігінің көңіл айтуы қабылданбағанын мәлімдеді.
– Біз шабуылдың қай жерде үйлестірілгенін білеміз. Бізге жіберілген хабарламаны алдық және оның қандай хабар екенін білеміз. Біз Америка елшілігінің көңіл айтуын қабылдамаймыз. Біз ешкімге опасыздық жасаған емеспіз, сондықтан мұндай арамзалыққа бұдан былай төзімділік танытпаймыз. Истиклал көшесі – біздің аяулы ортамыз. Егер шабуылдаушыны ұстамағанымызда, ол бүгін Грекияға қашып кетер еді, – деді министр CNN Türk арнасына берген сұхбатында.