Алматыдан Токиоға тікелей рейс қашан ұша бастайды
21 Қазан 2025
2026 жылғы наурызда Air Astana әуе компаниясы Алматы мен Токио арасындағы жаңа тікелей әуе қатынасын іске қосады.
Рейс қарсаңында Жапонияның жетекші туроператорлары Алматыда қазақстандық туристік индустрия өкілдерімен кездесті.
Мамандардың айтуынша, Алматы – Токио тікелей рейсінің ашылуы Қазақстан мен Жапония арасындағы туристік және іскерлік байланысты жаңа деңгейге шығарады.
Алдын ала болжам бойынша, рейс іске қосылған алғашқы жылы Жапониядан 5-7 мыңға дейін турист келуі мүмкін.
– Жапония – Қазақстан үшін стратегиялық маңызды нарық. Бұл сапар мен болашақ рейс екі ел арасындағы өзара ынтымақтастық пен қызығушылықты жаңа деңгейге көтереді, - деді Алматы туризм басқармасының өкілдері.
