Былтыр еліміз 87,7 млн тонна мұнай өндірді
Өткен жылы елімізде отын энергетика кешенінде өсім байқалды. Бұл туралы Энергетика министрі Алмасадам Сәтқалиев мәлім етті.
- Отын-энергетика кешенінің негізгі көрсеткіштері бойынша өткен жылдың қорытындысы бойынша өсім байқалды. Оның ішінде мұнай өндіру 87,7 млн тонна, мұнай өңдеу: 17,9 млн тонна, мұнай өнімдерін өндіру 14,5 млн тонна, газ өндіру 59 млрд текше метр, жанар-жағармай өндірісі 3 млн тонна, мұнай-газ-химиясы өндірісі 540 мың тонна, электр энергия өндірісі сағатына 117,9 млрд кВт-қа және сағатына жаңартылған энергия өндірісі 7,58 млрд кВт артты, - деді Алмасадам Сәтқалиев ведомствоның кеңейтілген алқа отырысында.
Осылайша министр өткен жылғы отын-энергетика кешені саласының жұмысын «тұрақты» деп бағалады.
Сондай-ақ ведомство басшысы биыл жергілікті жер қойнауын пайдаланушылардың мемлекеттік сатып алудағы үлесін 62%-ға дейін ұлғайту жоспарда барын айтты.
- Жер қойнауын пайдалану саласында 345 келісімшарт бар, өткен жылы өткізілген аукциондардың қорытындысы бойынша геологиялық барлауға салынған инвестицияның жалпы көлемі $72,5 млн болатын 14 жер қойнауы учаскесі сатылды. Былтыр жер қойнауын пайдаланушылардың сатып алуларындағы қазақстандық қамту үлесі 61,9% (3,8 трлн теңге). Сонымен қатар мұнай-газ саласындағы 10 жаңа өндірісті оқшаулау, кемінде екі электрондық аукцион өткізу және «Жер қойнауы туралы» кодекске түзетулер енгізуді жоспарлап отырмыз, - дейді ол.
