Екібастұзда 18 отбасыға жаңа пәтерлер берілді
Баспаналы болғандар арасында жетім балалар мен ата-анасының қамқорлығынсыз қалған балалар бар.
Екібастұз қаласында 18 отбасы көптен күткен пәтер кілтіне ие болды. Мұхтар Әуезов көшесі, 101 мекенжайында орналасқан тұрғын үй кешеніндегі жаңа екі бөлмелі пәтерлер баспанаға мұқтаж азаматтар есебінде кезекте тұрғандарға берілді.
— Баспаналы болғандар арасында жетім балалар мен ата-анасының қамқорлығынсыз қалған балалар бар, оларға 4 пәтер берілді. Екі пәтерді көп балалы отбасы, ал тағы 12 пәтерді халықтың әлеуметтік осал топтарының өкілдері, олардың ішінде 11 толық емес отбасы және мүгедек балаларды тәрбиелеп отырған бір отбасы алды. Бұл жұмысты экономика және қаржы бөлімі құрылыс бөлімімен бірлесіп мемлекеттік тұрғын үй саясатын іске асыру шеңберінде жүргізеді. Азаматтарды қолжетімді баспанамен қамтамасыз ету басым бағыттардың бірі болып қала береді, — деп хабарлады Екібастұз қалалық әкімдігінен.