Елордадағы автобус апаты: 7 адам ауруханаға жатқызылды
22 Ақпан 2025
21 ақпанда автобустың бағанаға соқтығысуы салдарынан 15 адам елордадағы №1 қалалық ауруханаға жеткізілді. Бұл туралы №1 ауруханадан мәлім етті.
Тексеру нәтижесінде 8 адам дәрігерлердің ұсынысымен амбулаторлық ем алуға үйлеріне жіберілді.
— 7 науқас емделу үшін ауруханаға жатқызылды, оның төртеуіне операция жасалды. Барлық науқас дәрігерлердің тұрақты бақылауында және толық көлемде қажет ем-дом алады, - делінген таратылған мәліметте.
Ал автобус жүргізушісіне операция жасалып, қазір оның жағдайы орташа ауыр, бірақ тұрақты. Ол жарақаттар бөліміне ауыстырылды.
Похожие новости
