Кәсіпкер Лилия Рах пен Jusan банк арасындағы «қақтығыс»

Еліміздегі ең атақты сән ханымы 2012 жылдан бері Цесна банкке (кейінірек Jusan банк) 5,7 миллион АҚШ долларынан астам несиені өтеген. 2017 жылы банк күтпеген жерден сот шешімімен өндірілген 4 778 719 777 теңгені қайтаруды, сондай-ақ, барлық несиені мерзімінен бұрын өтеуді талап еткен.

Сонымен қатар, банк одан жалпы сомасы 3 738 635 000 теңге кепіл затын өндіріп алған. Берешек есебіне 1 млрд 200 млн теңге сомасына жылжымалы мүлік (тауарлар) өз еркімен берілді, оны банк 759 415 056 теңгеге бағалады.

2018 жылы банк кепілге беру аукциондарына қатысу құқығын пайдаланды және стилисттің мүлкін берешектің қалдығын есептен шығармай, балансына -50%-ға қабылдады. Белгілі болғандай, бүгінде банктер үшін мұндай мүмкіндік заңмен алынып тасталды, екінші деңгейлі банктерге олардың үлестес тұлғаларын қоса алғанда, тендерлерге қатысуға тыйым салынады.

Белгілі болғандай, банк Лилия Рахтың кепілге қойылмаған мүлкіне де тыйым салған, банк есептен шығару туралы ақпарат бермеген, мемлекеттік бажды өтеу туралы есеп бермеген.

«Sauvage» дүкенінде орналасқан компаниялардың банктің несиеге алған ақшасына еш қатысы болмаған. Сонымен қатар, алынған несиені өтеу үшін кепіл мүлкі толығымен сатылған болатын. Осылайша, банк сатып алған бес жылжымайтын мүлік аукционда сатылды. Сонымен қатар, банк жылжымалы мүлікке де тыйым салды. Атқару өндірісі аясында бір көлік, бір саяжай сатылып, мемлекеттік баж салығы төленді», – дейді адвокат Виктория Меленцова.

Алайда, 2020 жылдың тамыз айында «Jusan Bank» қызметкерлері ҚР Ұлттық қауіпсіздік комитетінің сарбаздарымен бірге «Sauvage» дүкеніне күштеп кірген. Олар кіреберіске оқ өтпейтін кеудешемен жабдықталған қарулы күзетшілерді қойып, дүкенді мөрлеп тастаған.

Заңгердің айтуынша, қолда бар барлық кепілзат сатылғанымен, кәсіпкердің банк алдындағы қарызы әлі күнге дейін жойылмаған.

Виктория Меленцованың айтуынша, банк қызметкерлері де, тіпті Jusan Bank акционерлері де Лилия Рахтың оларға несие үшін қанша қарызы барын білмейді. 2020 жылдың желтоқсан айында Лилия Рахқа тиесілі компаниялар банкке 759 415 056 теңгенің жылжымалы мүлкін (тауарларын) аударған.

Осылайша, атқарушылық іс жүргізу аясында борышкерлер «First Heartland Jusan Bank» АҚ алдындағы қарызының басым бөлігін кепілге қойылған алты жылжымайтын мүлікті сату, мемлекеттік баж салығын төлеу, сондай-ақ жылжымалы және жылжымайтын мүлікті өз бетінше сату арқылы өтеген. Несие желісін ашу туралы екі келісім бойынша сот шешімімен өндіріп алынған берешек сомасын өтеу үшін борышкерлер сатқан мүліктің жалпы құны 2 821 858 723,71 құрайды.

«2020 жылдың желтоқсан айында банк Лилия Рахтан тәркіленген тауарларды қабылдады, олар костюмдер, қымбат брендтік заттар болатын. Мысалы:Dior, Donna Caran, Dolche & Gabanna, Bonpoint, Vionnet, Miu Miu және басқа да тауарлардың сәнді үлгілері мен костюмдері. Таңқаларлық жайт, осы күнге дейін мүлікті беру кезінде анықталған құны 759 415 056 теңгені құрайтын бұл тауарлар банк балансына қабылданбаған, бұл сот актісімен өндірілген қарыздың қалдығына әсер ететіні анық», — дейді Виктория Меленцова.

Заңгер айтуынша банк кепілге салынған мүлікті де, борышкерлердің өз бетінше сатылған мүлкін де сатудан түскен ақшалай қаражатты бөлу туралы ақпарат беруден бас тартқан. Сондай-ақ, банк өкілдері Лилия Рахтың бар қарызы туралы анықтама беруден бас тартып, сотқа несиелік құжаттаманы ұсынбады.

«Біз Лилия Рахтың бірде-бір мүлкін сатуға беру жоспарланбаған деп есептейміз. Бұл қарыз балансын әдейі белгілемеу мақсатында немесе банкке дәл осы қарыздың болмауына байланысты. Сондай-ақ, бұл белгілі дизайнерден біреудің жеке кек алуы болуы мүмкін», — деп қорытындылады Виктория Меленцова.

Әйгілі стилистке жақын адамдардың айтуынша, Жусанға қатысты бұл жағдайдың барлығы жеке тұлғалардың кек алу сезімінен туындаған, өйткені Қазақстан Республикасы Ұлттық қауіпсіздік комитетінің сарбаздарының борышкерлермен банктік жанжалға араласуы заңсыз болып есептеледі.