Қайрат Құдайберген 8 жылға бас бостандығынан айырылды
Қайрат Құдайберген мен Руслан Ысқақовқа сот үкімі шықты.
Алматыда Қаңтар оқиғасына қатысты айыпталушыларға сот үкімі шықты.
Сотта Қайрат Құдайбергеннің де ісі қаралады. Алматы мәслихатының бұрынғы депутаты сот үкімімен 8 жылға бас бостандығынан айырылды.
Ал ҰҚК бесінші департаментінің бұрынғы басшысы Руслан Ысқақов 15 жылға 6 айға бас бостандығынан айырылды және мемлекеттік наградалардан айырылды.
Бұл ретте Қ.Құдайберген ҚР ҚК-нің 272-бабы 1,2-бөліктері, 126-бабы 2-бөлігі, 1 және 7-тармақтары бойынша кінәлі деп танылды.
Р. Ысқақов ҚР ҚК-нің 262-бабы 3-бөлігі, 272-бабы 1-бөлігі, 362-бабы 4-бөлігі, 3-тармағы, 28-бабы 3-бөлігі, 125-бабы 3-бөлігі, 1-тармағы, 28-бабы 3-бөлігі, 126-бабы 3-бөлігі 1-тармағы, 268-бабы 3-бөлігі бойынша кінәлі деп танылды.
Еске салайық, 2022 жылдың сәуір айында кәсіпкер, Алматы қаласы мәслихатының депутаты Қайрат Құдайберген Қаңтар оқиғасы кезінде жаппай тәртіпсіздіктерді ұйымдастыру мен оған қатысты деген күдікпен ұсталды.
Алдын ала тергеу бойынша Қ.Қ. Құдайберген А.Б. Жұмагелдиевпен («Дикий Арман» деп аталатын) бірге «Қазақстан» қонақ үйінде адам жинауды ұйымдастырып, Жұмагелдиевтің айналасына бірігуге, оны қолдауға және биліктің бірыңғай талаптарын ұсынуға шақырғаны, сондай-ақ 10 адамнан «ұяшықтар» бойынша бөліп және олардың топтарының ерекшеліктерінің белгісі ретінде қолдарына ақ таңғыштарды таңуға нұсқау бергені анықталды.
