Қазақстанның қырғыз экономикасына құйған инвестициясы 1,7 млрд долларға артқан
24 Ақпан 2025
Соңғы 15 жылда Қазақстанның қырғыз экономикасына құйған инвестиция көлемі 1,7 млрд долларға ұлғайды. Премьер-министр Олжас Бектенов Қырғыз Республикасы Министрлер кабинетінің төрағасы – Президент Әкімшілігінің басшысы Адылбек Қасымалиевпен кездесуде осындай дерек келтірді.
- Мемлекет басшылары екі ел арасындағы тауар айналымын 2030-шы жылға қарай 3 млрд долларға дейін жеткізу міндетін қойды. Үкіметтер осы міндетті іске асыру бағытында жұмысты жалғастырып жатыр. Соңғы 15 жылда Қазақстанның қырғыз экономикасына құйған инвестиция көлемі 1,7 млрд долларға ұлғайды. Үкіметтер осы міндетті іске асыру бағытында жұмысты жалғастырып жатыр, - деді ол.
Үкімет басшысы екі арада мәдени-гуманитарлық байланыстар да тұрақты дамып келе жатқанын атап өтті.
- Екі елдің жастары мен зиялы қауым өкілдері арасындағы ықпалдастықты нығайтуға елеулі серпін берген бірқатар іс-шара өткізілді. Жалпы, екіжақты байланыстардың одан әрі дамуына Үкіметаралық кеңес пен Өңіраралық ынтымақтастық форум сияқты платформалардың зор үлесін айтып өткен жөн.
- Қазақстан Үкіметі барлық бағыт бойынша қазақ-қырғыз стратегиялық әріптестігінің жоғары динамикасын қолдауға қашанда дайын, - деді Олжас Бектенов.
Похожие новости
