Минскіде Орталық Азияда теңдесі жоқ қазақстандық рельс бекіткіш өндірісі көрсетілді
Минскіде «ИННОПРОМ. Беларусь» көрмесіндегі Қазақстан павильоны Орталық Азиядағы рельс бекіткіштерінің толық кешенін шығаратын жалғыз өндіріс орнын ұсынды. Бұл туралы Үкіметтің баспасөз қызметі хабарлады.
Жоба Қазақстан Президентінің еліміздің өнеркәсіптік әлеуетін дамыту және цифрландыру жөніндегі тапсырмалары шеңберінде жүзеге асырылды.
Бөлшектерді өндірумені «Бент» өнеркәсіптік компаниялар тобы айналысады. Жаңа өндіріс орнын құру отандық теміржол саласын бұрын шетелден жеткізілген стратегиялық маңызды компоненттермен толық қамтамасыз етуге мүмкіндік берді. Құрамдас бөліктер қазірдің өзінде Қазақстан, Қырғызстан, Өзбекстан және Ресейдегі теміржол желілерін салуда белсенді түрде қолданылуда. Қазіргі уақытта Түрікменстан және Иранмен келіссөздер жүргізіліп жатыр.
— Біз Орталық Азиядағы толық жиынтықтың, яғни рельс бекіткішінің барлық бес құрамдас бөлігін шығаратын жалғыз өндірушіміз. Олар роботтандырылған желіні қолдану арқылы шығарылады. Ол өткен жылы, өндіріс орны ашылғаннан соң үш айдан кейін іске қосылды, — деді компания директоры Дінмұхамед Кузиев.
