Нұрдәулет Жұмағали Паралимпия ойындарының күміс жүлдегері атанды
5 Қыркүйек 2024
Қазақстандық пара жүзу шебері Нұрдәулет Жұмағали Парижде өтіп жатқан Паралимпиада ойындарында жүлдегерлер қатарынан көрінді.
Қазақстандық спортшы 100 метрге брасс әдісімен (SB13 санаты) жүзуде 1:04:83 нәтижемен мәре сызығын екінші болып қиды.
Жүзудің бұл түрінен аталмыш қашықтықта Нұрдәулет әлем және паралимпиада рекордшысы, германиялық спортшы Талисо Энгельді (1:01.90) ғана алға жіберді.
Қола жүлде әзербайжандық Вели Исрафиловқа (1:05.35) бұйырды.
Жарыс барысында Н.Жұмағали Азия рекордын жаңартты. Бұған дейін Нұрдәулет Токио Паралимпиадасында қола жүлде алған еді.
Осылайша, Париж Паралимпиада ойындарында Қазақстан қоржынына бесінші медаль түсті.
