Полицейлер мен құтқарушылар жол апатынан кейін шетелдіктерге жедел көмек көрсетті
Қостанай облысында полицейлер мен құтқарушылар жол апатынан кейін шетелдіктерге көмекке келді.
ІІМ баспасөз қызметінің мәліметінше, 2 наурызда таңертең Рудный-Қашар-Федоров тас жолында кішігірім жол апаты болды. Екі көлік — Hyundai және минивэн жол жиегінен шығып кетті. Салонда шет мемлекеттердің 11 азаматы, оның ішінде бір бала болды.
Абырой болғанда, оқиға салдарынан ешкім зардап шеккен жоқ, дегенмен екі көлік те жолдан шығып кеткен. Ақпарат алғаннан кейін оқиға орнына полиция қызметкерлері мен құтқарушылар жедел келді.
Жедел қызметтердің үйлесімді жұмысының арқасында автокөліктер жолға шығарылып, жолаушыларға қажетті көмек көрсетілді. Жол-көлік оқиғаларының барлық қатысушысы оларды құтқарған азаматтарға кәсібилігі мен жеделдігі үшін алғыс білдіріп, содан кейін өз бағыттарын жалғастырды.
Полиция департаменті жүргізушілерге жолда, әсіресе қолайсыз ауарайында сақ болудыеске салады.
