Референдум өткізуге 16,4 млрд теңге кетеді
12 Мамыр 2022
Конституциядағы өзгерістерді қабылдауға арналған референдумға мемлекет қанша қаражат жұмсайтыны белгілі болды.
«Конституциялық референдум өткізуге республикалық бюджеттен 16 млрд 400 млн теңге бөлінеді. Орталық сайлау комиссиясы тиісті есебп-қисапты ұсынды. Бүгін Үкімет осыған байланысты Қаулы қабылдады. Ақша республикалық бюджеттен, Үкімет резервінен бөлінеді», – деді Ерұлан Жамаубаев.
Айта кетейік, референдум 5 маусымда болады. Бұған дейін оны өткізу жоспары бекітілген болатын.
