ШҚО өзендерінде мұз жару жұмыстары басталды

ШҚО Төтенше жағдайлар департаменті баспасөз қызметінің мәліметіне сүйенсек, Шемонаиха ауданындағы өзенде мұз жарылды. Ондағы мақсат — мұз кептелісінің алдын алу.

— Мамандар Верх-Уба ауылының маңындағы Үбе өзенінде жалпы ауданы 10 692 шаршы метр мұзды жарды. Жалпы облыс бойынша жақын арада осындай жұмыстар жүргізілетін 19 учаске анықталды, - делінген ақпаратта.

Ақпан айында Глубокое ауданында мұз жарылған. Ондағы Глубочанка өзенінің сағасында 3 мың шаршы метрден астам мұз ұсақталды. Енді Алтай, Үлкен Нарын, Катонқарағай аудандарындағы Бұқтырма өзенінде, Марқакөл ауданындағы Күршім, Үбе және Қалжыр өзендерінде мұз жарылмақ.