СҚО-да екі ай ішінде 160-қа жуық адам жануарлардан зардап шеккен
Солтүстік Қазақстан облысында екі айда 99 адамды ит қапса, соның 52 пайызында тұрғындарды қаңғырған иттер талаған.
СҚО санитариялық-эпидемиологиялық бақылау департаменті баспасөз қызметінің мәліметінше, биыл 158 адам антирабиялық көмекке жүгінді, бұл өткен жылдың ұқсас кезеңімен салыстырғанда 3,6% төмен.
Иесіз иттердің көбеюіне байланысты облыстың бірқатар аудандарында ит қауып, медициналық көмекке жүгінген тұрғындар саны артқан. Мәселен Ақжар ауданында 6 адам зардап шеккен, Қызылжар ауданында осындай 14 жағдай тіркелген. Петропавлда жәбірленушілер саны 14-ке артып, 89 адам медициналық көмекке жүгінді.
Зардап шеккендердің 99-ын ит қапқан, бұл барлық оқиғалардың 62,6%, 49 жағдайда адамдарды мысық тырнап, таласа, 10 адамға тышқан-егеуқұйрықтар, тиіндер шапқан.
Антирабиялық көмекке жүгінудің барлық жағдайлары бойынша эпизоотологиялық-эпидемиологиялық тергеу жүргізілді. Медициналық көмекке жүгінгендердің барлығына – 158 адамға вакцина тағайындалды. Оның ішінде антирабиялық вакцина – 83 адамға, иммуноглобулин және антирабиялық вакцина – 75 зардап шегушіге егілді.
Жануарлар қауып-талаған адамдардың 38% - ауыл тұрғыны.
