Жасыбай орманшылығындағы дала өрт сөндірілді - ТЖМ

Баспасөз қызмітінің хабарлауынша, кеше, 4 сәуірде Павлодар облысының Жақсыбай орманшылығында далалы жерден өрт шығып, бірден жан-жаққа тарай бастады.

Өрт сөндірушілер бірден іске кірісіп, тәулік бойы жұмыс жүргізді.

Өртті сөндіруге төтенше жағдайлар департаменті, орман шаруашылығы, Қазавиаорман күзеті мен орманшылықтың күштері мен құралдары тартылды.

- Жұмысты үйлестіру ҚР ТЖМ Командалық орталығы арқылы жүзеге асырылды, сондай-ақ іс-қимылдардың жеделдігі мен дәлдігін қамтамасыз ету үшін далалық жедел штаб ұйымдастырылды, - делінген хабарламада.